Bagong truck drivers sa Canada hindi sapat ang training. Paano ito maaayos?

Ngayon, isa na siyang driving instructor sa College Boreal sa Timmins, Ont.

At ipinagmamalaki niya ang kanyang reputasyon bilang isa sa pinakamahigpit na titser doon — bagama’t may mas malaking pressure para i-train at aprubahan ang mga lisensya sa lalong madaling panahon upang tugunan ang kakulangan ng mga truck driver sa Canada.

Kailangan natin ng mga eskuwelahan na ipagmamalaki ang kanilang training at makapaglalabas ng mas mahusay na driver — that's plain and simple, aniya kay Tom Howell ng programang Ideas sa radio documentary na pinamagatang The Way of the Trucker.

Hindi siya nag-iisa.

Sa report na inilabas ng Insurance Bureau of Canada (IBC) nitong unang bahagi ng buwan, sinabi ng bureau na kailangan ng Canada ang mas marami at mas mahusay na training para sa mga truck driver — at ang mga bagong driver na hindi nakakuha ng sapat na training ay ginagawang mapanganib ang mga kalsada sa bansa.

Panawagan para sa training standardization

Sinabi ni Liam McGuinty, ang vice-president of strategy ng Insurance Bureau of CanadaIBC, na may nakakaalarmang trend sa dalas at kalubhaan ng mga aksidente sa daan.

Napag-alaman ng report, na inilabas noong Abril 9, na ang mga driver na mas kaunti ang training — at lalo na ang wala pang tatlong taon ang karanasan — ay marahil mas magiging involve sa mga aksidente na nauuwi rin sa mas mahal na insurance claims, kumpara sa mga truck driver na mas marami ang training at karanasan.

Inirekomenda ng report ang mas mahusay at mas consistent na training sa truck driving schools sa buong Canada, ang adoption ng isang graduated licensing system, at mas mataas na paggamit ng telematics — isang teknolohiya tulad ng electronic logging devices — na nangongolekta ng mahalagang datos sa behaviour ng driver o performance niya sa kalsada.

Binigyang-diin nito na ang Mandatory Entry-Level Training (MELT), isang loosely defined minimum amount ng training para sa lahat ng truck drivers, ay ipinapatupad sa ilang probinsya, pero hindi sa buong Canada.

Habang ang mga eksperto ay pinuri ang implementasyon ng Mandatory Entry-Level TrainingMELT requirements, maraming nagsasabi na ito ay unang hakbang lamang upang mabuo ang pinakaligtas na posibleng truck driver workforce.

Ang standards nito ay para lamang i-enforce ang isang mandatory minimum training, at depende sa probinsya, ay maaaring mag-require lamang ng minimum na bilang ng oras sa likod ng manibela bago maging kwalipikado para sa isang lisensya.

Inirekomenda ni McGuinty, na ang Mandatory Entry-Level TrainingMELT requirements ay dapat i-combine sa iba pang training regimens — tulad ng pagbabayad sa isang mentor driver na sasamahan ang mga bagong driver sa loob ng itinakdang panahon.

Basahin ang buong istorya rito (bagong window).

Isang artikulo ng CBC News na isinalin sa Tagalog ni Catherine Dona.